Petition is addressed to: Petitionsausschuss des Europäischen Parlaments

Il-petizzjonanta tirrappreżenta lil binha li jgħix u jaħdem fi Spanja li f'ismu hija kkuntrattat self ipotekarju fl-2007 biex jixtri proprjetà immobbli fil-Bulgarija. Hija tiddeskrivi l-proċedimenti mal-bank, il-pjan għall-pagamenti, ir-rati tal-imgħax u hija tallega irregolaritajiet. B'dikjarazzjoni ta' dewmien fil-pagamenti, il-bank ħareġ ordni ta' pagament u kiseb mandat ta' eżekuzzjoni u ordni ta' infurzar. Il-petizzjonanta tallega li l-mandat ta' eżekuzzjoni kontra binha nħareġ mingħajr ordni li tagħti d-dritt ta' mandat ta' eżekuzzjoni u mingħajr eżami uffiċjali, min-naħa tal-qorti, ta' allegati klawżoli abbużivi fil-ftehim ta' kreditu. Il-proċedura ġiet ikkontestata mid-debitur fi żmien l-iskadenza ta' ġimagħtejn. Il-Qorti Distrettwali f'Sofia allegatament ma wettqitx eżami ex officio, u l-appell tad-debitur ġie miċħud mill-Qorti. Sadanittant, il-proprjetà mixtrija bl-ipoteka ġiet mibjugħa f'irkant pubbliku. Il-petizzjonanta ssostni li l-liġi tal-UE ma ġietx applikata kif suppost u li hemm nuqqas ta' kontroll effettiv fuq il-banek u l-marixxalli, għalkemm l-awtoritajiet Bulgari ntalbu ripetutament jirrimedjaw din is-sitwazzjoni u saru xi emendi fil-Kodiċi Ċivili tal-proċeduri. Il-petizzjonanta titlob ukoll li jitwaqqaf mekkaniżmu biex il-vittmi jiġu kkumpensati għad-danni mġarrba minħabba l-applikazzjoni illegali ta' tali ordnijiet għal pagament u proċeduri ta' infurzar.