Petition is addressed to: Petitionsausschuss des Europäischen Parlaments

Il-petizzjonant jitlob li d-dispożizzjonijiet dwar it-tneħħija tal-asbestos mill-postijiet pubbliċi jew mill-postijiet li l-pubbliku għandu aċċess għalihom, stipulati fir-riżoluzzjoni tal-Parlament Ewropew dwar it-theddid għas-saħħa okkupazzjonali marbut mal-asbestos u prospettivi għall-eliminazzjoni tal-asbestos eżistenti kollu (2012/2065(INI)), jiġu implimentati qabel l-2028, li l-asbestos jitneħħa mill-postijiet tax-xogħol u mill-ambjent u li l-mard kollu relatat mal-asbestos jiġi rikonoxxut bħala mard okkupazzjonali. Il-petizzjonant huwa konvint li Spanja għandha tikkonforma ma' dawn il-punti billi tneħħi l-asbestos minn postijiet sensittivi bħall-iskejjel u l-isptarijiet u tagħmel il-monitoraġġ tax-xogħol relatat mat-tneħħija tal-asbestos obbligatorju biex il-fibri tal-asbestos ma jiġux rilaxxati fl-ambjent.