Petition is addressed to: Да прэзідэнта Рэспублікі Польшча Анджэя Дуды, урада і Сейма Рэспублікі Польшча, Бюро АБСЕ па дэмакратычных інстытутах і правах чалавека

Петыцыя беларускай дыяспары ў Польшчы ў падтрымку беларускіх бежанцаў
Да прэзідэнта Рэспублікі Польшча Анджэя Дуды, урада і Сейма Рэспублікі Польшча, Бюро АБСЕ па дэмакратычных інстытутах і правах чалавека
Просім звярнуць вашу ўвагу на тое, што вялікая колькасць беларускіх грамадзян на дадзены момант пакідае тэрыторыю Украіны ў сувязі з ваеннай агрэсіяй з боку Расійскай Федэрацыі. Многія беларусы, якія знаходзіліся на тэрыторыі Украіны да моманту пачатку ваенных дзеянняў, прыбылі ва Украіну пасля падзеяў жніўня 2020 года ў сувязі з рэпрэсіямі. Яны перажылі гвалт з боку нелегітымнай улады Рэспублікі Беларусь, прайшлі праз турмы і пазбаўленне волі, падвяргаліся збіванням і псіхалагічнаму ціску, многія атрымалі абвінавачанні па адміністрацыйных і крымінальных справах, пераследаваліся праз сваю актыўную грамадзянскую пазіцыю. Украіна стала для іх прытулкам.
Цяпер праз агрэсію з боку Расійскай Федэрацыі, а таксама праз падтрымку дзеянняў Расіі ва Украіне з боку нелегітымнай улады Беларусі, многія беларусы сутыкаюцца з несправядлівым асуджэннем. Ім адмаўляюць у дапамозе і падтрымцы, таксама сталі частымі выпадкі, калі беларусы не могуць пакінуць тэрыторыю Украіны, ім адмаўляюць у пасадцы на цягнікі з Украіны ў Польшчу, іх разварочваюць на памежных пераходах.
Беларусы, якія бягуць з Украіны зараз, таксама з'яўляюцца ахвярамі вайны. Яны ўжо двойчы ахвяры - спачатку яны беглі ад рэпрэсій з Беларусі, зараз бягуць з Украіны ад вайны. Але яны не атрымліваюць падтрымкі і дапамогі, якую зараз даюць у Польшчы грамадзянам Украіны.
Гэтыя грамадзяне Беларусі пацярпелі за сваю барацьбу за правы чалавека з жорсткім рэжымам Аляксандра Лукашэнкі. Цяпер яны сталі палітычнымі бежанцамі другі раз. Усе гэтыя беларусы не падтрымліваюць і ніколі не падтрымлівалі ні рэжым Пуціна, ні рэжым Лукашэнкі, а наадварот, усімі сіламі змагаліся супраць гэтых рэжымаў.
Просім Вас улічыць усе гэтыя факты і распаўсюдзіць праграмы дапамогі ўкраінскім уцекачам і на палітычных уцекачоў Беларусі.