Petition is addressed to: Qeveria Kosovar - The Government

Shpallja e urgjencës feministe - Tani!

Mbi 42% e vajzave dhe grave përjetojnë çdo ditë dhunë psikologjike dhe fizike në Kosovë. Gjatë vitit të kaluar, në Kosovë janë raportuar mbi 2'638 raste të dhunës në familje, ku prej tyre 2120 janë gra. Nga viti 2010 e deri më tani, 54 gra janë viktima të një femicidi. Vetëm brenda një viti, 50 raste të dhunës seksuale janë raportuar në Kosovë. Duke marrë parasysh më tutje që shifrat e rasteve jo te raportuara nuk janë përfshire në këto statistika.

Mjaft më! Kërkojmë shpalljen e urgjencës feministe shtetrore – Tani!

Politika duhet vepruar. Çdo femicid, çdo përdhunim dhe çdo dhunë psiqike dhe fizike është shumë. Shteti duhet të angazhohet në luftën kundër çdo forme të dhunës ndaj vajzave dhe grave. Ështe e patjetërsueshme që të implementohen masa të qarta dhe të përcaktohen qëllime për të luftuar me sukses dhe në mënyrë afatgjate kundër numrave të lartë të rasteve dhe rritjes së dhunës ndaj vajzave dhe grave. Ka nevojë për ndërgjegjësim dhe edukim shoqëror, për rritjen e resurseve financiare në fushën e mbrojtjes së viktimave, për sforcim të ligjeve dhe denimeve, si dhe përshtatja dhe rritja e masave ekzistuese në strukturat socio-kulturore në te gjitha rajonet e shtetit. Për atë, në këtë proces, nuk mjafton vetëm të ngrejmë zërin kundër dhunës ndaj grave.

Ka nevojë për masa konkrete!
Ka nevojë për angazhim të plotë në luftën kundër dhunës ndaj grave!
Ka nevojë për shpallje të urgjencës feministe shtetrore –TANI!