Petition is addressed to: Petitionsausschuss des Europäischen Parlaments

Il-petizzjonant jispjega li l-attività industrijali, prinċipalment l-estrazzjoni minerarja, maż-żmien affettwat drastikament is-saħħa tal-bniedem, kif ukoll il-pajsaġġ u l-ambjent tas-Sierra de Cartagena-La Unión. Huwa jsostni li ma ttieħdet ebda azzjoni biex tiġi evitata jew titnaqqas il-kontaminazzjoni tal-Mar Menor minn metalli tqal li jiskulaw minn attivitajiet minerarji jew biex iż-żona tiġi dekontaminata. Jitlob lill-Parlament Ewropew jistieden lil dawk responsabbli fil-Komunità Awtonoma ta' Murcia biex isolvu l-problema tal-kontaminazzjoni tal-Minera Sierra minn metalli tqal u l-konsegwenzi ta' din f'termini tas-saħħa tal-bniedem u t-tniġġis ambjentali, speċjalment fil-Mar Menor.