Petition is addressed to: Petitionsausschuss des Europäischen Parlaments

Il-petizzjonant qed jitlob l-adozzjoni ta' dispożizzjonijiet tal-UE biex jiġi ffaċilitat l-użu tal-vetturi elettriċi fl-Ewropa. Huwa jesprimi tħassib għal dak li jiddeskrivi bħala ostakoli legali kbar maħsuba biex jipproteġu d-drittijiet akkwiżiti u li jimminaw serjament il-kompetizzjoni ħielsa. Huwa jsostni li l-liġi tal-Unjoni għandha tipprevedi dawn li ġejjin:  id-disponibbiltà ta' stazzjonijiet ta' ċċarġjar rapidu; il-ħlas tal-iċċarġjar impost f'EUR/kWh biss u mhux għall-ħin tal-iċċarġjar; il-possibbiltà li l-ħlas isir bil-kard tal-bank; ir-rekwiżit li ma tiġi rreġistrata l-ebda vettura ġdida fl-UE, għajr dawk mgħammra b'sistemi ta' ċċarġjar ikkombinati u konnetturi tat-tip 2; ir-rekwiżit li l-istazzjonijiet tas-servizz b'aktar minn fatturat partikolari jinstallaw stazzjon ta' ċċarġjar rapidu bi ħlas għal kull kWh;  Il-finanzjament tal-UE għall-muniċipalitajiet, li jippermettilhom jipprovdu faċilitajiet bħal dawn.