Petiția se adresează: Petitionsausschuss des Europäischen Parlaments

Il-petizzjonanta tiddenunzja l-istat attwali ta' rovina li tinsab fih parti minn Avenida de la Constitución f'Santa Cruz de Tenerife, li qed tikkawża storbju sinifikanti u evidenti. Il-petizzjonanta tirrimarka li ppreżentat dokumentazzjon bil-miktub b'sostenn għat-talbiet tagħha quddiem il-Kunsill tal-Gżira ta' Ternerife u l-Kunsill tal-Belt ta' Santa Cruz de Tenerife iżda dan kien kollu għalxejn. Il-petizzjonanta tqis li l-awtoritajiet rilevanti kisru d-Direttiva 2002/49/KE relatata mal-valutazzjoni u l-ġestjoni tal-istorbju ambjentali u d-drittijiet fundamentali taċ-ċittadini tal-Unjoni Ewropea bħad-dritt għas-saħħa, is-sikurezza, l-integrità u d-dritt li jiġu infurmati. Il-petizzjonanta tistaqsi jekk hemmx Pjan ta' Azzjoni aġġornat għaż-żona u, jekk hemm, liema azzjonijiet huma maħsuba li jittieħdu f'Avenida de la Constitución biex jiġi evitat li tiddeterjora u biex jiġi limitat it-tniġġis akustiku li qed isofru minnu r-residenti fiż-żona. Il-petizzjonanta tissuġġerixxi wkoll serje ta' miżuri li għandhom jittieħdu sabiex jitnaqqas dan it-tniġġis akustiku.