Petition is addressed to: Petitionsausschuss des Europäischen Parlaments

Il-petizzjonant jikkundanna l-invażjoni Torka ta' Ċipru fl-1974, bi ksur tal-prinċipji tad-dritt internazzjonali u tal-Karta tan-NU, li spostat kontra r-rieda tagħhom lil madwar 200,000 Ċiprijott Grieg, li tilfu l-proprjetà u d-djar tagħhom. Is-sors ewlieni ta' introjtu ta' familtu kienet il-biedja u dawn kellhom diversi biċċiet ta' raba'. Wara l-invażjoni Torka u sal-lum, abitanti ta' insedjamenti mit-Turkija kienu qed jisfruttaw illegalment il-biċċiet ta' raba' tagħhom u jgawdu l-introjtu mill-produzzjoni. B'hekk, hu, u r-rifuġjati l-oħra, sofrew u għadhom qed isofru telf kbir ta' introjtu. Huwa jistieden lill-Kumitat għall-Petizzjonijiet tal-Parlament Ewropew jeżamina modi kif it-Turkija tkun obbligata tikkumpensa lilu u lir-rifuġjati l-oħra għal tali telf ta' introjtu.