La petición está dirigida a: Petitionsausschuss des Europäischen Parlaments

Il-petizzjonanta tispjega li f'Lulju 2019 xtrat vjaġġ bit-titjiriet u bil-lukanda għal New York għal grupp ta' 12-il ruħ. Minħabba ċ-ċirkostanzi eċċezzjonali tal-pandemija tal-coronavirus, dan il-grupp ma jistax jivvjaġġa lejn New York fid-9 ta' April. Iberia, l-kumpanija tal-linja tal-ajru, toffri lill-petizzjonanta l-għażla li tibdel il-vjaġġ ikkuntrattat bit-titjira kif ukoll bil-lukanda f'voucher li jiskadi fil-31 ta' Diċembru 2020. Il-petizzjonanta tikkundanna l-fatt li l-kumpaniji tal-linji tal-ajru joffru alternattivi b'vouchers fid-dati li huma jiddeċiedu, filwaqt li japprofittaw mill-vojt ġuridiku, u l-petizzjonanta tgħid li t-tariffi żdiedu b'mod eċċessiv, u għalhekk, minbarra li jużaw il-voucher, huma jridu jħallsu aktar sabiex jagħmlu l-istess vjaġġ fid-dati li l-kumpanija tippermettilhom. Il-petizzjonanta tqis li d-drittijiet tagħha bħala konsumatur mhumiex stmati. Skont il-petizzjonanta, xi linji tal-ajru qed jisfruttaw l-inċertezza sabiex jinjoraw it-talbiet tal-konsumaturi, joffru l-aktar l-aktar vouchers, mingħajr ebda regolament ġuridiku Ewropew, għad-dannu tal-utenti u tal-konsumaturi. Il-petizzjonanta titlob l-intervent tal-Parlament Ewropew sabiex jirregola din is-sitwazzjoni li żżid mal-inċertezza li hija għandha għas-saħħa ta' qrabatna, u tissuġġerixxi li tingħata voucher, iżda mingħajr skadenza.