Petition is addressed to: Petitionsausschuss des Europäischen Parlaments

Il-petizzjonant jikteb biex jipprotesta kontra dak li jidher li hu ksur, mill-Istat Taljan, tar-rekwiżit li tiġi żgurata l-kontinwità territorjali tas-servizzi tat-trasport għaċ-ċittadini u r-residenti Sqallin. Isostni li l-kumpaniji tat-trasport pubbliċi u privati li joffru kollegamenti bl-ajru u bil-baħar bejn Sqallija u r-reġjuni Taljani l-oħra qed jaġixxu f'reġim monopolistiku u oligopolistiku. Skont il-petizzjonant, dan għamel is-servizzi offruti inadegwati f'termini ta' orarju u ta' frekwenza, kif ukoll eċċessivament għaljin, u dan qed jikkawża tbatija soċjali u ekonomika serja għaċ-ċittadini ta' Sqallija. Il-petizzjonant jikkwota l-leġiżlazzjoni tal-UE dwar il-forniment ta' servizzi bl-ajru, li tippermetti l-possibbiltà li l-Istati Membri jimponu obbligi ta' servizz pubbliku fir-rigward tar-reġjuni periferiċi, kif ukoll ir-regoli tal-UE dwar l-għajnuna mill-Istat dwar kumpens għal servizz pubbliku.