Petition is addressed to: Petitionsausschuss des Europäischen Parlaments

Il-petizzjonant jilmenta dwar is-servizz pubbliku marittimu bejn il-Gżira ta' Elba u Piombino li reċentement ir-Reġjun tat-Toskana assenja lill-kumpanija privata Moby Lines SpA, li hija l-uniku operatur matul ix-xhur tax-xitwa (Novembru sa Marzu) u b'hekk tgawdi monopolju fuq din ir-rotta. Il-petizzjonant jiddenunzja l-interruzzjonijiet u l-kanċellazzjonijiet frekwenti tal-vjaġġi minħabba "kundizzjonijiet ħżiena tat-temp", filwaqt li jfakkar li l-operatur pubbliku preċedenti rari kien jikkanċella vjaġġi ta' qsim u biss f'kundizzjonijiet tat-temp estremament ħżiena. Il-petizzjonant għalhekk qed jirrikorri għand il-Parlament Ewropew biex jitlob regolamentazzjoni aħjar tal-konnessjoni marittima bejn il-Gżira ta' Elba u Piombino kif ukoll għall-ftuħ ta' din ir-rotta għal trasportaturi oħra sabiex tintemm is-sitwazzjoni monopolistika attwali.