Petition is addressed to: Petitionsausschuss des Europäischen Parlaments

Il-petizzjonanta, li tipproduċi ż-żejt taż-żebbuġa, tilmenta li l-kont bankarju tagħha ġie ssekwestrat mid-dipartiment tat-taxxa minkejja l-fatt li l-bilanċ tal-kont tagħha huwa magħmul esklussivament minn sussidji agrikoli mogħtija mill-Politika Agrikola Komuni (PAK). Hija ssostni li skont id-dritt tal-Unjoni, b'mod partikolari r-Regolamenti 1782/2003, 1792/2003 u795/2004, il-pagamenti diretti mogħtija lill-bdiewa taħt l-iskemi ta' appoġġ fi ħdan il-qafas tal-politika agrikola komuni ma jistgħux jiġu ssekwestrati mill-awtoritajiet nazzjonali.Għalhekk, hija tqis li l-Artikolu 12 tal-Liġi Griega 4587/2018 qed jikser id-dritt tal-Unjoni minħabba li jintroduċi d-data limitu tal-10 ta' Diċembru 2018: il-pagamenti diretti lill-bdiewa ma jistgħux jiġu ssekwestrati wara din id-data, li allura jimplika li dawn jistgħu jiġu ssekwestrati qabel din id-data, kif ġara fil-każ tagħha.